2019/2020 ўқув йили шиори: «ЖАНГОВАР РУҲНИ МУСТАҲКАМЛАШ ҲАМДА ЖАНГОВАР ВА КАСБИЙ ТАЙЁРГАРЛИКНИ ОШИРИШ – ҲАР БИР ҲАРБИЙ ХИЗМАТЧИНИНГ ВАЗИФАСИДИР!»

ВАТАН ДЕСАМ

 

Ватан десам, қаддим тоғнинг тик қояси,

Буюк бурчим туркий тупроқ ҳимояси,

Куч берадур она Жайҳун ҳикояси,

Бобом менинг Жалолиддин Мангуберди.

 

Сарҳадларда ҳушёр боқар икки кўзим,

Асрагайман – қасам менинг айтар сўзим,

Ғанимларга бош эгмаган ўғлон ўзим,

Бобом ахир Жалолиддин Мангуберди.

 

Ҳар лаҳза шай қамчи ургум ғиротимга,

Қиёс йўқдир садоқату саботимга,

Ватан тенгдир жон жаҳоним, ҳаётимга,

Бобом ахир Жалолиддин Мангуберди.

 

Ватан десам, қаддим тоғнинг тик қояси,

Буюк бурчим туркий тупроқ ҳимояси,

Куч берадур она Жайҳун ҳикояси,

Бобом менинг Жалолиддин Мангуберди.

 

Замира РЎЗИЕВА,

Ўзбекистон Ёзувчилар

уюшмаси аъзоси

Информеры