2019/2020 ўқув йили шиори: «ЖАНГОВАР РУҲНИ МУСТАҲКАМЛАШ ҲАМДА ЖАНГОВАР ВА КАСБИЙ ТАЙЁРГАРЛИКНИ ОШИРИШ – ҲАР БИР ҲАРБИЙ ХИЗМАТЧИНИНГ ВАЗИФАСИДИР!»

ОЧИҚ ЭШИКЛАР КУНИ БАЙРАМ БИЛАН ҲАМОҲАНГ

Сирдарё туманидаги ҳарбий қисмда Наврўз байрами муносабати билан ўқувчи ёшлар учун очиқ эшиклар куни ўтказилди.

Сирдарё туманида жойлашган касб-ҳунар коллежлари ҳамда умумтаълим мактабларининг икки юзга яқин ўқувчи ёшлари ҳарбий хизматчиларнинг кундалик ҳаёти, жанговар тайёргарлик машғулотлари, ҳарбий техника ва қурол-аслаҳалари билан танишдилар. Ҳарбий акалари билан самимий мулоқот чоғида ўзларини қизиқтирган саволларга жавоб олдилар.

Сирдарё вилояти ҳарбий-маъмурий сектори, Ўзбекистон ёшлар иттифоқи Сирдарё вилояти кенгаши вакиллари иштирок этган тадбирда мамлакатимизда маънан етук, жисмонан соғлом авлодни вояга етказиш, уларни ҳар томонлама қўллаб-қувватлаш, ташаббусларини рағбатлантириш, ҳуқуқ ва манфаатларини ҳимоя қилиш борасида самарали ишлар амалга оширилаётгани таъкидланди.

Шу куни Сирдарё вилояти ҳарбий-маъмурий сектори фаолиятини ташкиллаштириш бўйича 2019 йилга мўлжалланган амалий ҳаракатлар «Йўл харитаси»га кўра, ҳарбий қисм шахсий таркибига Наврўз байрами совғалари – 10 дона компьютер жамламаси, 500 дона бадиий китоб ва 4 дона китоб жавони совға қилинди.

Абдужалол ҚАЮМОВ, Сирдарё вилояти

Информеры