2019/2020 ўқув йили шиори: «ЖАНГОВАР РУҲНИ МУСТАҲКАМЛАШ ҲАМДА ЖАНГОВАР ВА КАСБИЙ ТАЙЁРГАРЛИКНИ ОШИРИШ – ҲАР БИР ҲАРБИЙ ХИЗМАТЧИНИНГ ВАЗИФАСИДИР!»

УЧ АВЛОД УЧРАШУВИ

Ўзбекистон Республикаси Президентининг 2018 йил 4 августдаги қарори ижроси ҳамда Маънавий юксалиш ва ватанпарварлик куни муносабати билан ҳарбий қисмларда кўплаб маънавий-маърифий тадбирлар ўтказиб келинмокда.

Учқудуқ шаҳрида жойлашган ҳарбий қисмларнинг бирида «Биз ватанпарвар аждодлар авлодининг давомчиларимиз» мавзусида давра суҳбати ўтказилди. Унда фахрийлар, ҳарбий хизматчилар ҳамда Учқудуқ шаҳридаги 18-умумтаълим мактаби ўқувчилари иштирок этди.

Ҳарбий қисм командири подполковник Ш. Нарзиев юртимиз мудофаа тизими, маънавий-маърифий соҳада олиб борилаётган ислоҳотлар борасида атрофлича фикр юритди.

Сўз олган фахрийлар ўзлари хизмат қилган йилларни эслашди, оғир ва машаққатли дамларни ҳикоя қилиб беришди. Ўтган ва бугунги кун армияси, ватанпарварлик ва юртга садоқат туйғуларини юракка сингдириш борасида қимматли маслаҳатлар берди.

Эркин мулоқотлар давомида ёшлар ватанпарварлик ўзи нима, ҳарбий хизматчи бўлиш учун қайси фанларни яхши ўзлаштириш, қайси билим юртларида таҳсил олиш лозимлиги борасидаги кўплаб саволларга жавоб олдилар.

А. ЎТКИРОВ

 

Информеры