Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид ДАВЛАТ ДАСТУРИ қабул қилинди

МАСТ ҲАЙДОВЧИЛАР, МИССИОНЕРЛИК...

Тошкент вилоятида жойлашган подполковник З. Рузиев хизмат қилаётган ҳарбий қисмда «Тажрибасиз, маст ҳайдовчи – хавф-хатар ва ҳалокат манбаи», «Диний ташкилотлар ва миссионерлик фаолиятининг салбий оқибатлари» мавзуларида ҳуқуқий-маърифий тадбир ўтказилди.

Чирчиқ ҳарбий прокурорининг ўринбосари адлия подполковниги О. Хайдаров, Тошкент вилояти йўл хавфсизлиги хизмати бошқармаси бўлими бошлиғи У. Нурмуҳамедов, «Тўқайтепа» жоме масжиди имом-хатиби С. Мамадалиев кун тартибидаги мавзулар хусусида чиқиш қилди. Муҳими, маърузалар ҳаётий мисоллар, мутахассислар амалиётидаги вазиятлар билан бойитилди.

ТАДБИРДАН АЙРИМ ИҚТИБОСЛАР

«ИИВ матбуот хизмати маълумотига кўра, 2018 йилда Ўзбекистонда:

– йўл-транспорт ҳодисалари оқибатида 2262 киши ҳалок бўлди, 8458 киши турли даражадаги тан жароҳати олди (2017 йилда бу кўрсаткич мос равишда 2473 ва 9637 эди);

5449 (2017 йилда – 9100) марта транспорт воситасини маст ҳолда бошқариш қоидабузарлиги аниқланди. 24 нафар маст ҳайдовчи иштирокидаги йўл-транспорт ҳодисаларида 4 киши ҳалок бўлди, 46 киши турли даражадаги тан жароҳати олди».

«Миссионерлик (миссия сўзидан), табшир, мубашширлик – бирор динга эътиқод қилувчи халқлар орасида бошқа бир динни тарғиб қилиш».

«Ўзбекистон Республикасининг «Виждон эркинлиги ва диний ташкилотлар тўғрисида»ги қонуни 5-моддасига кўра, Ўзбекистонда ҳар қандай миссионерлик фаолияти ман этилади».

Учқун САИДНАЗАРОВ

 

Информеры