Ўзбекистон Республикаси Президентининг 2019 йил 22 февралдаги Қарори билан муддатли ҳарбий хизматга чақирув муддати ўзгарди

АМАЛИЁТ ВА НАЗАРИЯ УЙҒУНЛАШГАН КУРС

Алишер Навоий номидаги Тошкент давлат ўзбек тили ва адабиёти университетида Тарбиявий ва мафкуравий ишлар органи офицерларининг малака ошириш курси биринчи битирувчиларига сертификатлар топширилди.

Ушбу курс Президентимизнинг Хавфсизлик кенгашининг кенгайтирилган йиғилишида тарбиявий ва мафкуравий ишлар органлари офицерларининг билим савияси ва касбий маҳоратини янада ошириш бўйича белгилаб берган вазифалари ижроси бўйича ташкил этилган эди.

72 соатлик ўқув режасига асосан тингловчилар юртимиздаги етакчи мутахассислар – таниқли профессор-ўқитувчилар, олимлар, тадқиқотчиларнинг семинар ва маҳорат дарсларида сиёсатшунослик ва мафкуравий тарғибот, ўзбек давлатчилиги ва ҳарбий санъати тарихи, адабиёт ва инсон камолоти, касб этикаси, этикет каби модуллар бўйича таҳсил олдилар.

Якуний давлат аттестациясидан муваффақиятли ўтган офицерларга малака сертификатларини Мудофаа вазирлиги Тарбиявий ва мафкуравий ишлар бош бош­қармаси бош­лиғи полковник Акмал Ортиқов топширди.

Ҳусниябону ЖЎРАЕВА

 

 

Информеры